लुम्बिनीमा तीन दिने बौद्ध महोत्सव सुरु

२४ माघ,बुटवल । बुद्ध जन्मस्थल लुम्बिनीमा शुक्रबारदेखि तीन दिने अन्तर्राष्ट्रिय बौद्ध कला, संस्कृति र साहित्व महोत्सव सुरु भएको छ । महोत्सवको उद्घाटन एक कार्यक्रमका बीच मुख्यमन्त्री शंकर पोखरेलले गरेका छन् ।

महोत्सवको उदघाटन गर्दै मुख्यमन्त्री पोखरेलले लुम्बिनीको विकासमा स्वार्थको राजनीति हावी भएको बताए । लुम्बिनीको विकास अपेक्षाकृत रुपले अगाडि बढ्न नसक्नुको मूल कारण राजनीतिक स्वार्थ रहेको भन्दै उनले स्थानीय जनप्रतिनिधि र राजनीतिक दललाई विकासमा राजनीति नगरी मिलेर अघि बढ्न आग्रह गरे ।

‘लुम्बिनीको नाममा जनतामा भ्रम छर्ने र यहाँको विकासमा क्षणिक स्वार्थका लागि अवरोध गर्ने परिपाटीले लुम्बिनीको विकास पछाडि परिरहेको छ,  यही अवस्थामा लुम्बिनीलाई रहन दिने हो भने स्थानीयले यसबाट केही फाइदा लिन सक्दैनन्,’ उनले भने ।

मुख्यमन्त्री पोखरेलले लुम्बिनीलाई विश्वशान्तिको वास्तविक उद्गम थलो बनाउन स्थानीयले बुद्धिजमलाई गहिरो गरी अध्ययन गर्न जरुरी रहेको बताए । ज्ञानका माध्यमबाट शान्ति कायम गर्ने सबैभन्दा सशक्त माध्यम बुद्धिजम रहेको भन्दै उनले बुद्धिजमसँग जोडिएको कला, संस्कृति र साहित्यलाई विश्व कला बजारकै महत्वपूर्ण हिस्सा मानेर अगाडि बढाउनुपर्नेमा जोड दिए ।

 

Read More: https://www.onlinekhabar.com/2020/02/834647z

See our other portfolio

Other portfolio

लुम्बिनी विश्वविद्यालय : १५ वर्षपछि बल्ल चहलपहल

Media

डा. तिलक आचार्य, जसले गुमनाम विश्वविद्यालयलाई विदेशी विद्यार्थी समेत पढ्ने थलो बनाए

Media

‘गुमनाम’ लुम्बिनी विश्वविद्यालय चम्काएका डा.तिलकराम

Media

पत्रकारिता छाडेर बुद्धिजममा पिएचडी गरेका आचार्य, भन्छन् ‘नेपालका शासकले बुद्धिजम बुझेनन्’

Media