लुम्बिनीका ‘कुलमान’ : जसको मेहनतले चम्किँदैछ बौद्ध विश्वविद्यालय

आंशिक शिक्षकका रूपमा ६ वर्षअघि बौद्ध विश्वविद्यालय प्रवेश गरेका आचार्यलाई लुम्बिनीमा पठनपाठन गराउने जिम्मेवारी थियो । काठमाडौं भएका पदाधिकारी पर्यटकजस्तै बनेर केन्द्रीय कार्यालय आउँथे । न विद्यार्थी, न पूर्वाधार, न त पर्याप्त पढाउने जनशक्ति । तैपनि आचार्यले पठनपाठन गराउने जिम्मा लिए । त्यतिबेलाका क्याम्पस प्रमुख इन्द्र काफ्ले र आचार्य विद्यार्थी खोज्न भौतारिए ।

‘बौद्ध दर्शन पढ्नुपर्‍यो भन्दै विद्यार्थी खोज्न हिँड्यौं तर जहाँ जाँदा पनि बुद्धिज्म पनि पढ्छन् भनेर प्रश्न मात्रै सोधियो,’ उनले त्यतिबेलाको तीतो अनुभव सुनाए । सजिलै विद्यार्थी ल्याएर पठनपाठन शुरू गर्न कठिन देखेपछि उनले नयाँ उपाय खोजे – आफ्ना आफन्त, साथीभाइबाट स्नातक उत्तीर्णका प्रमाणपत्र लिएर भर्ना थाले । विद्यार्थी ४० जना पुगे, कक्षा शुरू भयो ।  पहिलो पटक कक्षामा पस्दा आचार्यले लामो सास फेरेको सम्झिए ।

आचार्यलाई कक्षा चलाइरहन कम्ती चुनौती भएन । पूर्वपश्चिम, उत्तरदक्षिणका विद्यार्थी लुम्बिनीमा पुर्‍याउनुपर्ने । आफ्नै गाडीमा बुटवल र भैरहवाबाट पढाउने शिक्षक र विद्यार्थी दैनिक बोक्न थाले उनी । आंशिक पढाउने शिक्षकको पारिश्रमिक १ पिरियडको ६०० रुपैयाँ थियो तर विश्वविद्यालयको पठनपाठनका लागि आफ्नै गाडीमा विद्यार्थी ओसार्न त्यतिभन्दा धेरै रकम इन्धनमै जान्थ्यो ।

२०७२ सालमा पहिलो ब्याचका विद्यार्थी पढ्दापढ्दै उनी सहायक क्याम्पस प्रमुख बने । विद्यार्थी पढाउने जिम्मेवारीसँगै उनी विश्वविद्यालयका लागि चाहिने जग्गा व्यवस्थापनको काममा जुटे । यस क्षेत्रको भूगोल र राजनीतिक क्षेत्रका व्यक्तिहरू बुझेका उनी सरकारका मन्त्री, नेता, प्रशासकको दैैलोमा फाइल बोकेर कैयौं पटक काठमाडौं पुगे । गाडीबाट हिँड्दा ढिलो हुने भन्दै आफ्नै खर्चमा प्लेनबाट ओहोरदोहोर गरे ।

 

पुरा पढ्नको लागि : https://lokaantar.com/story/132360/2021/1/30/tilak

See our other portfolio

Other portfolio

लुम्बिनी बौद्ध विश्वविद्यालयमा अनलाइन पढाइ शुरु

Media

पत्रकारिता छाडेर बुद्धिजममा पिएचडी गरेका आचार्य, भन्छन् ‘नेपालका शासकले बुद्धिजम बुझेनन्’

Media

लुम्बिनीमा तीन दिने बौद्ध महोत्सव सुरु

Media

लुम्बिनी बौद्ध विश्वविद्यालय पूर्णसरकारी स्वामित्वमा आयो

Media